Benda á rangar mælingar á HM í frjálsum í­þróttum

Nokkrir íþróttamenn og þjálfarar hafa lýst yfir áhyggjum af nákvæmni vegalengdamælinga í langstökki og þrístökki við Alþjóðafrjálsíþróttasambandið.

Mörg stökk virtust vera rangt mæld af lasermælingakerfi Seiko, sem er opinber samstarfsaðili Alþjóðafrjálsíþróttasambandsins í tímatöku og mælingum.

Eitt dæmi sem nefnt var var stökk sem skráð var 8,06 metrar, þótt viðstaddir teldu að stökkið hefði verið nær 8,20 metrum. Þegar óskað var eftir skýringum neituðu starfsmenn að sögn að sýna mælingarmyndina og vísuðu til hindrunar á bak við stökkbrettasvæðið, sem lið íþróttamannsins segir að hafi ekki verið sjáanleg.

Ekki nóg með það, heldur þurfti Palmer að endurtaka fyrstu tilraun sína vegna þess að sandurinn í gryfjunni hafði ekki verið jafnaður rétt.

Þótt ekki sé deilt um úrslit keppninnar beinast áhyggjurnar að nákvæmni og gagnsæi mælingakerfisins og er þess krafist að Alþjóðafrjálsíþróttasambandið endurskoði ferlið og sannreyni stökkin.

Ítalski þjálfarinn Gianni Iapichino lýsti skoðun sinni á málinu og sagði: „Málbandið lýgur ekki.“