Markahæsti leik­maður HK til Fram

„Haukur Ingi passar vel inn í hugmyndafræði okkar að vera með unga duglega stráka, sem eru tilbúnir að leggja sig fram á hverjum degi til að verða betri leikmenn, bæði fyrir sig og FRAM. Ég er mjög spenntur að vinna með honum áfram og hjálpa honum að þróa sinn leik, jafnt í vörn og sókn,“ sagði Einar Jónsson, þjálfari Fram, um nýjasta leikmann liðsins.

Haukur var markahæsti leikmaður HK á þessu tímabili en  hann skoraði 119 mörk í 22 leikjum í Olís-deildinni.

HK er núna búið að missa tvo markahæstu leikmenn sína en sá næstmarkahæsti, Ágúst Guðmundsson, hefur samið til þriggja ára við FH.

Fram er komið í sumarfrí eftir tap fyrir FH, 27-33, í gær. FH-ingar unnu einvígi liðanna í átta liða úrslitum, 2-0.

Fram varð Íslands- og bikarmeistari á síðasta tímabili en tókst ekki að endurtaka leikinn í vetur.

Framarar enduðu í 7. sæti Olís-deildarinnar og féllu úr leik fyrir KA í átta liða úrslitum Powerade-bikarsins.