Hákon reimaði á sig markaskóna í kvöld

Mark Hákonar kom skömmu fyrir lok fyrir hálfleiks. Heimamenn beittu þar skyndisókn þar sem að boltinn endaði hjá Matias Fernandez-Pardo út  á vinstri kanti. Hann vann sig inn á teig Lens og kom með sendinguna fyrir markið þar sem að Hákon Arnar var réttur maður, á réttum stað og kom boltanum í netið. 1-0. 

Mörk frá Félix Correia og téðum Pardo í seinni hálfleik innsigluðu svo 3-0 sigur Lille sem klifrar þar með upp í 3.sæti deildarinnar og er þar með 50 stig, níu stigum á eftir Lens í öðru sætinu eftir 28 leiki. 

Þetta var sjöunda mark Hákonar með Lille í frönsku úrvalsdeildinni á tímabilinu. Hann er nýbúinn að skrifa undir nýjan samning við félagið eftir að hafa fyrst gengið til liðs við það sumarið 2023.