Demantamótaröðin hefst viku seinna og í Sjanghæ

Skipuleggjendur héldu því opnu alveg fram á síðustu stundu að láta mótið fara fram samkvæmt áætlun.

Nú er hins vegar mánuður í mót og mikið óvissuástand ríkir enn vegna stríðsátakanna í Mið-Austurlöndum.

Ákvörðun var því tekin um að fresta mótinu í Dóha þangað til 19. júní, ef aðstæður leyfa. 

Það þýðir einnig að mótið mun fara fram á öðrum leikvangi, með loftkælingu, svo íþróttafólkið höndli sumarhitann. 

Demantamótaröðin mun því hefjast átta dögum síðar en áætlað var, þann 16. maí, í Sjanghæ í Kína.

Katar hefur á síðustu árum orðið vinsæll áfangastaður íþróttaviðburða, og þar af leiðandi lent í miklum frestum vegna stríðsástandsins. Nú nýlegast átti meistaraleikurinn í fótbolta milli Argentínu og Spánar að fara fram í Katar.