Handbolti

Janus fagnaði jafn­tefli og mætir Magdeburg næst

Ágúst Orri Arnarson skrifar
Janus Daði mun mæta Íslendingaliði í næstu umferð. 
Janus Daði mun mæta Íslendingaliði í næstu umferð. 

Jafntefli dugði Janusi Daða Smárasyni og félögum í Pick Szeged í seinni leiknum gegn Kielce í umspili Meistaradeildarinnar. Pick Szeged heldur áfram í átta liða úrslit eftir þriggja marka sigur í fyrri leiknum.

Lokatölur urðu 32-32 eftir æsispennandi leik í Póllandi í dag.

Heimamenn Kielce virtust vera með sigur í hendi sér. Þeir náðu mest fjögurra marka forystu undir lok leiks, sem hefði dugað til að komast áfram, en ungversku gestirnir gáfu vel í undir lokin og jöfnuðu.

Janus Daði skoraði 4 mörk úr 5 skotum fyrir Pick Szeged en Lazar Kukic var markahæstur hjá liðinu með 6 mörk úr 6 skotum.

Von er því á Íslendingaslag í átta liða úrslitum því þar bíður þýska liðið Magdeburg eftir Pick Szeged. Gísli Þorgeir Kristjánsson, Ómar Ingi Magnússon og Elvar Örn Jónsson eru leikmenn Magdeburg.

Meistaradeild Evrópu í handbolta karla Ungverski handboltinn

Mest lesið


Fleiri fréttir

Sjá meira


×

Mest lesið