Handbolti

Blær situr sem límdur við botninn

Ágúst Orri Arnarson skrifar
Blær Hinriksson er á sínu fyrsta tímabili í Þýskalandi. 
Blær Hinriksson er á sínu fyrsta tímabili í Þýskalandi.  Facebook Leipzig

Þó Blær Hinriksson sé að spila vel á sínu fyrsta tímabili hjá Leipzig hefur liðinu ekki gengið vel. 29-34 tap gegn Göppingen varð niðurstaðan í leik kvöldsins.

Blær er næst markahæsti og næst stoðsendingahæsti leikmaður liðsins á tímabilinu, á eftir Franz Semper í báðum flokkum.

Liðið hefur hins vegar spilað sjö leiki í röð án sigurs og situr í neðsta sæti deildarinnar. Leipzig hefur þó náð nokkrum jafnteflum og er því aðeins tveimur stigum frá öruggu sæti þegar sex umferðir eru eftir. 

Blær átti ágætis leik í kvöld, skoraði 3 mörk, gaf 2 stoðsendingar og stal 1 bolta.

Sviðsljósið var samt allt á Marcel Schiller sem skoraði 16 mörk úr vinstra horninu fyrir Göppingen.

Þýski handboltinn

Mest lesið


Fleiri fréttir

Sjá meira


×

Mest lesið