Erlent

Orbán játar sig sigraðan

Agnar Már Másson skrifar
Viktor Orbán (t.v.) tókst ekki að standast áhlaup Péters Magyar (t.h.) og framlengja stjórnarsetu sína sem hefur þegar spannað sextán ár.
Viktor Orbán (t.v.) tókst ekki að standast áhlaup Péters Magyar (t.h.) og framlengja stjórnarsetu sína sem hefur þegar spannað sextán ár. Vísir/EPA

Viktor Orbán, forsætisráðherra Ungverjalands, hefur viðurkennt ósigur í ungversku þingkosningunum þar sem fyrstu tölur úr kjörkössum benda til þess að stjórnarandstöðuflokkurinn Tisza vinni stórsigur.

„Viktor Orbán forsætisráðherra óskaði okkur til hamingju með sigurinn símleiðis.“

Svo hljóðar samfélagsmiðlafærsla Péters Magyar, formanns stjórnarandstöðuflokksins Tisza í Ungverjalandi, sem virðist nú hafa steypt Viktor Orban af stóli þar sem fyrstu tölur í ungversku þingkosningunum.

Skömmu síðar viðurkenndi Orbán ósigurinn í ræðu um kl. 19.20 að íslenskum tíma í kvöld. 

Rúmlega 60 prósent atkvæða hafa verið talin, samkvæmt landskjörstjórn Ungverjalands.

Samkvæmt töldum atkvæðum hlýtur Tisza 53 prósent atkvæða (136 þingsæti af 199) en Fidez-flokkur Orbáns hefur hlotið 38 prósent atkvæða (45 þingsæti). Flokkurinn Okkar Heimaland (Mi Hazánk) hefur fengið 6 prósent talinna atkvæða eða um 7 þingmenn.

Fréttin verður uppfærð.

Mest lesið


Fleiri fréttir

Sjá meira


×

Mest lesið