Titillinn að renna úr greipum Elíasar?

Midtjylland leiddi með þremur mörkum gegn tveimur þegar aðeins nokkrar mínútur eftir lifðu að leiknum en þá jafnaði Dorian Hanza metin fyrir Viborg, 3-3 og þar við sat. 

Midtjylland lenti í tvígang undir í leiknum en gerði vel í að snúa honum sér í vil en með því að missa mögulegan sigur niður í jafntefli er liðið að verða af afar mikilvægum stigum í baráttunni við AGF um danska meistaratitilinn.

Þegar að tvær umferðir eru eftir af tímabilinu er AGF núna með örlögin í sínum eigin höndum og tveggja stiga forskot á Midtjylland á toppi dönsku úrvalsdeildarinnar.