Viktor Gísli á­fram í Final Four en Orri Freyr úr leik

Barcelona vann öruggan tíu marka 31-21 sigur gegn franska liðinu Nantes í kvöld. Fyrri leikurinn í Frakklandi var tæpari en þar vann Barcelona með tveimur mörkum.

Viktor Gísli varði eitt af tveimur skotum sem hann fékk á sig í kvöld.

Sporting gerði jafntefli við Aalborg í fyrri leiknum en tapaði með einu marki á útivelli í kvöld. Aalborg var yfir mest allan leikinn og átti sigurinn sannarlega skilið. Liðið leiddi með þremur mörkum á lokamínútunum en Martim Costa og Orri Freyr minnkuðu muninn.

Orri Freyr skoraði aðeins þetta eina mark á lokamínútunni en tók tvö skot í kvöld.

Fucshe Berlin er einnig á leið í Final Four úrslitahelgina ásamt Barcelona og Aalborg. Síðasta sætið verður svo í boði þegar Magdeburg og Pick Szeged mætast á morgun en þar er Magdeburg með sjö marka forystu eftir fyrri leikinn.