Sjáðu Andreu skora tvisvar beint úr horni og systurnar svara

Andrea skoraði bæði mörk Stjörnunnar í 2-2 jafnteflinu við Þór/KA í 3. umferð Bestu deildarinnar í gær.

Mörkin komu af nákvæmlega sama stað, úr hornspyrnum í fyrri hálfleik, en hin 19 ára Amalía Árnadóttir minnkaði muninn á 75. mínútu og stóra systir hennar, Margrét, jafnaði metin í lokin.

Mörkin úr leiknum má sjá hér að neðan.

Í Kaplakrika máttu FH-ingar hafa mikið fyrir því að leggja nýliða Grindavíkur/Njarðvíkur að velli, 2-1. 

Landsliðskonan Ída Marín Hermannsdóttir lagði upp fyrsta mark leiksins með frábærum hætti, fyrir Niu Raisa Christopher, en Danai Kaldaridou jafnaði metin skömmu fyrir hálfleik. 

Ingibjörg Magnúsdóttir skoraði svo sigurmark FH á 64. mínútu, þegar hún fylgdi á eftir vítaspyrnu sem var varin.

Mörkin úr öðrum leikjum gærdagsins og allt það helsta úr 3. umferðinni má sjá í Bestu mörkunum sem eru á Sýn Sport Ísland í kvöld klukkan 21:15.