Fokdýrir miðar á bardagakvöldið við Hvíta húsið

Frá þessu greinir MMA blaðamaðurinn Ariel Helwani en bardagakvöldið fer fram þann 14.júní næstkomandi. Aðalbardagi kvöldsins er titilbardagai í léttivigtarflokki milli ríkjandi meistarans Ilia Topuria og Bandaríkjamannsins Justin Gaethje.

Dana White, forseti UFC, hefur greint frá því að um 4300 manns muni fylgjast með bardagakvöldinu í suður garði Hvíta hússins og verða það aðallega hermenn Bandaríkjahers.  

Um 85 þúsund gefins miðar verða svo aðgengilegir almenningi sem mun geta fylgst með bardagakvöldinu af risaskjáum í Ellipse Park í námunda við Hvíta húsið. 

Restin af miðunum sem í boði verða eru svo í dýrari kantinum og settir fram sem ákveðin fjárfesting frá samstarfsaðilum UFC. 

Miðarnir munu kosta 1.5 milljónir Bandaríkjadala. Því sem nemur um 184 milljónum íslenskra króna og gildir inn á bardagakvöldið sem og viðburði í aðdraganda þess. 

Vel stæðu fólki hefur, að sögn Ariel Helwani, verið boðið að fjárfesta í miðum.