Enski boltinn

De Zerbi ó­sáttur við dómarana: „Kannski fundu þeir fyrir pressu út af Arsenal leiknum“

Ágúst Orri Arnarson skrifar
De Zerbi fannst dómararnir ekki nógu rólegir.
De Zerbi fannst dómararnir ekki nógu rólegir. Alex Pantling/Getty Images

Roberto De Zerbi, þjálfari Tottenham, segir dómarateymið hafa verið „órólegt“ í 1-1 jafntefli liðsins gegn Leeds. Risastór dómur féll ekki undir lokin og kostaði Tottenham líklega sigurinn.

Tottenham hefði með sigri farið fjórum stigum frá fallsvæðinu en er nú aðeins tveimur stigum frá West Ham.

Mathys Tel skoraði glæsilegt mark en gaf síðan frá sér víti, þegar hann ætlaði að hreinsa boltann með hjólhestaspyrnu en sparkaði óvart í hausinn á Ethan Ampadu, og Dominic Calwert-Lewin jafnaði leikinn fyrir Leeds.

Dómarinn dæmdi upphaflega ekki vítaspyrnu en eftir VAR skoðun var bent á punktinn.

Tottenham vildi síðan fá vítaspyrnu á þrettándu mínútu uppbótartíma, þegar James Maddison féll við í teignum. Ekkert var dæmt og VAR skoðaði atvikið en komst að sömu niðurstöðu.

„Þeir voru órólegir í dag, kannski fundu þeir fyrir pressu út af Arsenal leiknum í gær,“ sagði De Zerbi en jöfnunarmark var tekið af West Ham gegn Arsenal vegna brots á markmanninum David Raya.

De Zerbi fékk gult spjald fyrir hegðun sína á hliðarlínunni. Alex Pantling/Getty Images

„Við fundum klárlega fyrir pressu, við fórum ekki nóg vel með boltann og vorum of æstir en dómararnir voru órólegir líka. Ég skil samt ekki rifrildið um VAR dóminn [hjá Arsenal], því þetta var 200 prósent brot. Ekki 100 prósent, 200 prósent brot,“ sagði De Zerbi einnig.

Atvikin úr leik Tottenham og Leeds í gærkvöld má sjá í spilaranum að ofan. 

Atvikin úr leik Arsenal og West Ham má finna í tengdum fréttum hér fyrir neðan.

Enski boltinn Tottenham Hotspur Leeds United Arsenal FC West Ham United

Tengdar fréttir

Messan um stóra dóminn: „Þetta er bara rétt“

Markið sem var dæmt af West Ham United í leiknum gegn Arsenal í ensku úrvalsdeildinni var að sjálfsögðu til umræðu í Sunnudagsmessunni. Að mati sérfræðinga hennar komst dómari leiksins að réttri niðurstöðu.

West Ham kvartar til dómaranefndar

Forráðamenn West Ham munu hafa samband við dómaranefnd ensku deildanna í ljósi jöfnunarmarks liðsins sem dæmt var af undir lok 1-0 taps fyrir Arsenal í ensku úrvalsdeildinni í gær. Markið gæti haft mikið að segja um bæði titilbaráttuna sem og vonir West Ham um að halda sæti liðsins í deildinni.

Mest lesið


Fleiri fréttir

Sjá meira


×

Mest lesið