Mæla með stig­vaxandi að­gerðum fá­menns teymis sigmanna

Það er mat COWI að vænlegast sé að láta björgunarmenn síga niður í sprunguna til leitar í stigvaxandi aðgerðum, þar sem fyrst yrði framkvæmd sjónleit og síðar mögulega ráðist í að færa til efni með handafli og mögulega verkfærum.

Frá þessu greinir Morgunblaðið. 

Dómsmálaráðuneytið fól Grindavíkurnefndinni að finna verkfræðistofu til að gera úttekt á aðstæðum og fjármagnaði verkefnið en það er undir lögreglustjóranum á Suðurnesjum komið hvort ráðist verður í aðgerðir. 

Málið er til skoðunar, að sögn Margrétar Kristínar Pálsdóttur lögreglustjóra.

Samkvæmt skýrslunni hefur ekki sést til Lúðvíks í sprungunni en þess er getið að hann var ekki í sýnileikafatnaði heldur lopapeysu og jarðlitum sem falla að umhverfinu. COWI metur ekki skynsamlegt að ráðast í sprengingar eða uppgröft í sprungunni, þar sem það gæti valdið því að líkamsleifarnar færðust enn neðar. 

Að því er fram kemur í Morgunblaðinu er gert ráð fyrir að fámennt teymi stjórnanda og þriggja sigmanna myndu sinna leitinni. Þá yrði að gæta ítrustu varúðar.