Fótbolti

Fyrir­liðinn braut hjörtu Hearts

Ágúst Orri Arnarson skrifar
Allt ætlaði um koll að keyra þegar Shankland skoraði fyrir Hearts í lokaumferð deildarinnar gegn Celtic en forystan entist ekki lengi. Celtic vann leikinn 2-1 og varð meistari.
Allt ætlaði um koll að keyra þegar Shankland skoraði fyrir Hearts í lokaumferð deildarinnar gegn Celtic en forystan entist ekki lengi. Celtic vann leikinn 2-1 og varð meistari. Ian MacNicol/Getty Images

Líkurnar á því að Hearts geri aðra atlögu að skoska meistaratitlinum á næsta tímabili hafa snarlækkað því fyrirliði og markahæsti leikmaður liðsins er farinn til Rangers.

Lawrence Shankland skoraði sextán deildarmörk með bandið á hendinni á þessu tímabili.

Hann var besti leikmaður liðsins sem Tómas Bent Magnússon spilar einnig fyrir.  

Hearts var lengi vel í toppsæti deildarinnar en missti það frá sér í lokaumferð tímabilsins og Celtic stóð uppi sem skoskur meistari.

Tómas Bent Magnússon og Lawrence Shankland í leik fyrr á tímabilinu. Ewan Bootman/SNS Group via Getty Images

Nú hefur hitt liðið frá Glasgow, Rangers, tryggt sér krafta Shankland og brotið hjörtu margra stuðningsmanna Hearts.

Innan við ár er liðið síðan Shankland skrifaði undir framlengdan samning við Hearts en hann hefur nú ákveðið að krota undir þriggja ára samning við Rangers þegar félagaskiptaglugginn opnar 15. júní.

Frammistaða hans á þessu tímabili mun líklega skila honum byrjunarliðssæti í landsliði Skotlands sem er á leiðinni á HM í fyrsta sinn síðan 1998.

Skoski boltinn

Mest lesið


Fleiri fréttir

Sjá meira


×

Mest lesið