Sabalenka þakk­lát eftir sigur

Sabalenka vann heimakonuna Elsu Jacquemot í annarri umferð Opna franska mótsins. Stuðningsmennirnir voru meira að styðja Jacquemot enda flestir áhorfenda Frakkar.

Eftir leikinn hrósaði Sabalenka Jaccquemot í hástert þar sem hún spilaði flottan leik.

„Hún spilaði frábært tennis, hún neyddi mig til þess að keyra ákefðina upp á næsta stig.“

Eftir að hafa hrósað mótherja sínum fyrir góðan leik snéri hún hrósinu að áhorfendum.

„Ég veit að þið vilduð að hún myndi vinna, en þakka ykkur fyrir virðinguna sem þið sýnduð mér.“

Sabalenka er efst á heimslistanum í tennis en hefur ekki ennþá unnið Opna franska mótið sem er eitt af fjórum risamótum í tennis.

Næsti leikur Sabalenka er á móti Ástralanum Dariu Kasatkina. Þær hafa mæst níu sinnum áður og Sabalenka hefur unnið sjö af þeim skiptum.