Formúla 1

Þykja Alpine liðið vera of dýrt

Andri Broddason skrifar
Toto Wolff er stjórnandi Mercedes en hætti við að kaupa hlut í Alpine
Toto Wolff er stjórnandi Mercedes en hætti við að kaupa hlut í Alpine Jakub Porzycki/NurPhoto via Getty Images

Mercedes hættir við að kaupa hlut í keppinaut sínum Alpine. Hluturinn sem Formúlu 1-liðið ætlaði að kaupa er í eigu hópi fjárfesta frá Bandaríkjunum.

Mercedes hóf viðræður um að kaupa hlut í mótherja sínum Alpine. Að lokum hætti liðið við vegna þess að hluturinn var orðinn of dýr.

Hópur bandarískra fjárfesta að nafni Otro Capital keypti hlut í Alpine-liðinu árið 2023. Bílaframleiðandinn Renault á stærstan hluta liðsins. Liðið keyrði undir Renault-nafninu þangað til nafninu var breytt í Alpine 2021.

Þeir sem eru taldir eiga hlut í Alpine í gegnum Otro Capital eru íþróttamenn á borð við golfarann Rory Mcllroy, boxarann Anthony Joshua og fótboltamanninn Trent Alexander-Arnold.

Flavio Briatore, óformlegur stjórnandi Alpine liðsins, tekur fram að mikil eftirsókn er í að kaupa hlut af liðinu. Hann ítrekar þó að Renault ætli ekki að selja meiri hlut. Einu hlutirnir sem hægt er að stunda viðskipti með eru þeir sem eru í eigu Otro.

Fyrir skömmu ákvað Alpine að hætta að nota Renault-framleidda vél í Formúlu 1-bílana sína. Í staðinn kaupa þeir vél frá Mercedes.


Tengdar fréttir

Tískuhús blandar sér í Formúlu 1

Ítalska tískuhúsið Gucci verður aðalstyrktaraðili Formúlu 1-liðsins Alpine. Samningurinn tekur gildi á næsta tímabili og mun liðið innihalda nafn Gucci ásamt því að bílarnir verða í litum tískuvörumerkisins.

Mest lesið


Fleiri fréttir

Sjá meira


×

Mest lesið