Serena snýr aftur á tennisvöllinn

Hin 44 ára gamla Williams hefur aldrei formlega lagt spaðann á hilluna en hefur ekkert spilað síðan hún datt úr leik í þriðju umferð Opna bandaríska árið 2022.

Þegar Serena hætti að keppa árið 2022 fór hún ekki leynt með ástæðuna. Hún vildi eignast annað barn og gerði það í ágúst 2023 en hefur síðan ekkert spilað eftir það.

Undir lok síðasta árs þvertók Williams fyrir það að endurkomu væri í vændum en henni hefur greinilega snúist hugur.

Rykfallinn spaðinn verður aftur dreginn fram á HSCB mótinu við Queen‘s Club í næstu viku. Talið er að hún muni einnig spila á Wimbledon í sumar. 

„Queen‘s Club finnst mér vera hinn fullkomni vettvangur til að hefja næsta kafla. Grasið hefur gefið mér margar af eftirminnilegustu stundum ferilsins og ég hlakka til að snúa aftur til keppni á einu stærsta sviði íþróttanna,“ sagði Serena samkvæmt Sky Sports. 

Eldri systir Serenu, Venus Williams, sneri aftur á tennisvöllinn í júlí á síðasta ári. Hún var þá orðin 45 ára gömul og hafði ekki spilað tennis í tvö ár.

Saman unnu þær 14 meistaratitla í tvíliðaleik á risamóti. Serena hefur síðan unnið 23 meistaratitla í einliðaleik á risamóti og er sem fyrr segir næstsigursælasta tenniskona sögunnar.

Sigursælasta tenniskona sögunnar er enn Margaret Court, með 24 meistaratitla í einliðaleik á risamóti.