Slæm úr­slit hjá Frökkum og Spán­verjum

Frakkar spiluðu á sínu sterkasta liði í fyrri hálfleik gegn Fílabeinsstrendingum.

Eftir mikla yfirburði og mörg marktækifæri tókst þeim svo að taka forystuna rétt fyrir hálfleik. Rayan Cherki skoraði markið með laglegu skoti eftir að hafa sólað varnarmann vel.

Í seinni hálfleik skiptu Frakkar nánast öllu liðinu út og varamönnunum tókst alls ekki að heilla.

Fílabeinsströndin fór öfuga leið og skipti nokkrum lykilmönnum inn á í seinni hálfleik.

Nicolas Pépé lagði jöfnunarmarkið upp fyrir Guéla Doué, bróður hins franska Désiré Doué.

Guéla Doué lagði svo upp sigurmarkið fyrir Amad Diallo, leikmann Manchester United.

Spánn gerði jafntefli gegn Írak

Spánn gerði 1-1 jafntefli við Írak í æfingaleik í kvöld. Ferran Torres tók forystuna fyrir Spánverja en Merchas Doski skoraði jöfnunarmark. Engin mörk voru skoruð í seinni hálfleik og 1-1 urðu lokatölur.

Bæði lið gerðu ellefu breytingar í hálfleik en Spánverjar hvíldu líka marga af sínum lykilmönnum.

Pedri, Nico Williams, Lamine Yamal, Rodri, Marcos Llorente, Fabián, Martin Zubimendi og Mikel Oyarzabal spiluðu til dæmis ekki í leik kvöldsins.

Markmaðurinn Unai Simon var líka hvíldur og Joan Garcia fékk tækifæri í byrjunarliðinu.

Garcia leit mjög illa út í marki Írak og vann sér væntanlega ekki inn sæti í byrjunarliðinu á HM.