Þarf að draga sig úr keppni í undan­úr­slitum

Ítalinn Matteo Arnaldi hefur þurft að draga sig úr undanúrslitum Opna franska mótsins í tennis. Arnaldi á við veikindi að stríða og nær ekki að halda áfram keppni. Hann átti að mæta samlanda sínum Flavio Cobolli í undanúrslitum.

Arnaldi hefur átt frábært mót og hefur unnið nokkra maraþonleiki. Eftirtektarverðasti sigur hans var á móti Bandaríkjamanninum Frances Tiafoe sem stóð í fimm og hálfa klukkustund. Þetta er sorglegur endir á annars frábæru móti.

Cobolli fær þá frípassa í úrslitin og mætir Þjóðverjanum Alexander Zverev. Cobolli er númer tíu á heimslista og hefur spilað mjög vel á mótinu. Í 8-liða úrslitunum vann hann Felix Auger-Alassime sem er númer fjögur á heimslistanum.

Í hinum undanúrslitaleiknum vann Zverev Tékkann Jakub Mensik eftir frábæra spilamennsku. Zverev er númer tvö á heimslistanum í tennis og því má búast við spennandi úrslitaviðureign.