Eiður lagði síma­númer Messi undir í veð­máli við Albert

Eiður er reyndar ekki viss hvort að Messi noti enn þá umrætt símanúmer en umræðan kom upp í HM stofunni á RÚV í gær þar sem að meðal annars fyrstu leikir Argentínu og Portúgal á HM voru krufðir til mergjar. 

Eins og frægt er orðið spilaði Eiður Smári með Messi á sínum tíma hjá Barcelona en Argentínumaðurinn skoraði þrennu í fyrsta leik Argentínu á HM gegn Alsír fyrr í vikunni og jafnaði um leið markamet Miroslav Klose á HM og þarf því aðeins eitt mark til að gera metið að sínu. 

Ríkjandi heimsmeistarararnir byrja því vel á HM en það sama má ekki segja um Portúgal og stórstjörnuna Cristiano Ronaldo sem gerðu jafntefli við Lýðveldið Kongó í fyrstu umferð. 

Albert Brynjar vill ekki afskrifa Portúgal eftir fyrsta leik á HM og er ekki viss um að Argentína komist lengra. Hann hafði spurt Eið Smára að því í beinni á RÚV hvort að hann væri með símanúmerið hjá Messi. Eiður sagði svo vera en að númerið gæti verið gamalt. 

Þegar kom að því að rökræða hvort liðið myndi fara lengra í mótinu stóð ekki á svörunum hjá Eiði Smára. Hann lagði símanúmer Messi undir í veðmáli við Albert Brynjar. Argentína myndi alltaf komast lengra á heimsmeistaramótinu en Portúgal.