Úr­helli setti allt úr skorðum fyrir úr­slita­leik í Ber­lín

Skipuleggjendur mótsins neyddust til að vísa áhorfendum í burtu af svæðinu, eftir að rignt hafði svo mikið að hætta skapaðist, meðal annars vegna rafmagnskapla.

Til stóð að þær Jessica Pegula og Linda Noskova myndu mætast í úrslitaleik í einliðaleik en samkvæmt tilkynningu var leiknum frestað og ljóst að hann gæti ekki hafist fyrr en í fyrsta lagi klukkan 16 að staðartíma, eða klukkan tvö að íslenskum tíma.

„Þrátt fyrir að við höfum verið í stöðugu sambandi við þýsku veðurstofuna þá vatt veðrið upp á sig með slíkum krafti að ekki var hægt að sjá það fyrir,“ skrifuðu skipuleggjendur mótsins á samfélagsmiðla.

„Samkvæmt neyðaráætlun sem samþykkt var með yfirvöldum var áhorfendum komið fyrir í Auerbach-göngunum þar skammt frá og í Grunewald S-Bahn stöðinni,“ sagði talsmaðurinn Claus Frömming samkvæmt Bild.