Heims­meistari hleypur Lauga­veginn

Alexandersson er einn allra fremsta utanvegahlaupakona heims og situr á toppi heimslista ITRA (International Trail Running Association). Hún er ríkjandi heimsmeistari í utanvegahlaupum og hefur þess utan unnið tæplega 30 heimsmeistaratitla í rathlaupi og skíðarathlaupi.

Alexandersson verður meðal rúmlega 800 keppenda í hinu árlega Laugavegshlaupi sem fer fram þann 11. júlí næstkomandi. Hlaupið er 55 kílómetrar frá Landmannalaugum yfir Laugaveg og endar í Húsadal.

Einnig tekur Alexandersson þátt í Dyrfjallahlaupinu sem fram fer í Borgarfirði eystra viku fyrr, á laugardaginn kemur, þann 4. júlí. Það er 50 kílómetra leið með um 2.500 metra hækkun.

Þar mun Tove Alexandersson aftur á móti taka styttri leiðina, 24 kílómetra, með 1.274 metra hækkun.

Fréttin hefur verið uppfærð.