Körfubolti

Annar stór­sigur strákanna á EM

Valur Páll Eiríksson skrifar
Viktor Lúðvíksson skoraði 18 stig í dag.
Viktor Lúðvíksson skoraði 18 stig í dag. Mynd/FIBA

Íslenska karlalandsliðið í körfubolta skipað leikmönnum 20 ára yngri vann öruggan 83-57 sigur á Kýpur í dag á EM U20 í Bratislava. Liðið er með fullt hús stiga eftir tvo leiki á mótinu.

Strákarnir unnu 97-63 stórsigur á Armeníu í fyrsta leik í gær. Þeir fylgdu því vel eftir í dag og skoruðu 24 stig gegn aðeins fjórum stigum Kýpverja í fyrsta leikhluta.

Þar lögðu þeir grunninn að sigri dagsins og leikurinn í raun aðeins formsatriði eftir fyrsta leikhlutann. Leiknum lauk með 26 stiga sigri Íslands, 83-57.

Birgir Halldórsson og Viktor Lúðvíksson voru stigahæstir með 18 stig hvor en Viktor tók auk þess ellefu fráköst. Lars Erik Bragason skoraði 17 stig.

Ísland er þá með fullt hús eftir tvo leiki í riðlinum en næsti leikur er við Kósóvó á morgun.

Landslið karla í körfubolta

Mest lesið


Fleiri fréttir

Sjá meira


×

Mest lesið