Valur bætir við sig fyrrum markadrottningu úr Lengjudeildinni

Emma verður lögleg með félaginu um leið og félagaskiptaglugginn opnar 16. júlí næstkomandi.

Emma sem er 25 ára en hún hefur leikið í efstu deild í Portúgal með Damaiense og í áströlsku deildinni með Canberra United.

Hér á Íslandi er hún þekktust fyrir frábært tímabil sitt í Lengjudeildinni, þar sem hún varð markadrottning eftir að hafa skorað 24 mörk í 14 leikjum fyrir FHL árið 2024.

„Emma er leikmaður sem við höfum fylgst grannt með um nokkurt skeið. Kvennalið Vals er á uppleið og við höfum mikinn metnað fyrir framtíð þess. Við teljum að Emma muni hjálpa okkur að ná markmiðum okkar á þessu tímabili. Gæði hennar og hæfileikar fyrir framan markið munu styrkja liðið verulega og við erum afar ánægð með að fá hana í Val,” sagði Gareth Owen, tæknilegur ráðgjafi Vals.