Eyjakonur þétta vörnina

Nýliðar ÍBV hafa komið flestum á óvart í Bestu deildinni í sumar og sitja í 4. sæti eftir 12 umferðir með 20 stig. Liðið hefur hins vegar fengið fleiri mörk á sig en það hefur skorað og því þótti tilefni til að þétta vörnina.

Jessica Hinton kemur til félagsins frá SF Damaiense, liðinu sem Kristján Guðmundsson þjálfar í efstu deild Portúgals, en hún er einnig með mikla reynslu úr bandaríska háskólaboltanum.

Næsti leikur ÍBV er undanúrslitaleikur Mjólkurbikarsins gegn Þrótti í Reykjavík á föstudag. ÍBV mætir svo toppliði FH í Bestu deildinni næsta miðvikudag.