Erlent

Hútar réðust á olíu­flutninga­skip frá Sádi Arabíu

Gunnar Reynir Valþórsson skrifar
Hútar hafa lýst yfir hafnbanni gangvart Sádi Arabíu.
Hútar hafa lýst yfir hafnbanni gangvart Sádi Arabíu. Getty/Mohammed Hamoud

Uppreisnarmenn Húta í Jemen, sem ráða stórum hluta landsins, segjast hafa ráðist á tvö olíuskip frá Sádí Arabíu á Rauða hafinu í nótt. Sádíarabísk yfirvöld hafa staðfest árás á annað skipanna en ekki á hitt og enn er óljóst hvort Hútar hafi í raun verið þar að baki. Engan mun hafa sakað.

Ef aðkoma Húta að málunum verður staðfest er um að ræða fyrstu árásir þeirra á skip frá Sádi Arabíu síðan þeir lýstu því yfir að öll skip Sáda væru réttmæt skotmörk. Árásirnar gera Hútar til stuðnings Írönum og vegna árása Bandaríkjamanna á Íran.

Bandaríkjamenn gerðu árásir á Íran, tólftu nóttina í röð. 

Íranskir miðlar segja að tveir hafi látist í árásum gærdagsins auk þess sem eldur hafi komið upp í olíuskipi á Hormús sundi. 

Donald Trump Bandaríkjaforseti hefur nú hótað því að árás verði gerð á íranskar brýr eða raforkuver fyrir hvert og eitt skipti sem ráðist er á skip á Hormús sundi. Þá lofaði hann að sjá um Hútana, eins og hann orðaði það í yfirlýsingu, ef þeir myndu láta verða af hótunum sínum gagnvart Sádum á Rauðahafi.

Íran Jemen Bandaríkin Árásir Bandaríkjanna og Ísraels á Íran Sádi-Arabía

Mest lesið


Fleiri fréttir

Sjá meira


×

Mest lesið