Svaka­leg endur­koma Joshua í fyrsta bar­daga hans eftir bíl­slysið

Anthony Joshua barðist í gærkvöldi gegn Albananum Kristian Prenga í Sádí-Arabíu í gærkvöldi. Bardaginn byrjaði þó ekki vel fyrir Joshua sem féll tvisvar í hringnum á aðeins 20 sekúndum.

Kristian Prenga hafði fyrir bardagann unnið tuttugu bardaga og þá alla með rothöggi. Hann hafði aðeins tapað einum bardaga fyrir gærkvöldið.

Þetta er fyrsti bardagi Anthony Joshua síðan hann lenti í bílslysi í Nígeríu þar sem þjálfarar og nánir vinir hnefaleikakappans létust. Joshua hlaut minni háttar meiðsl í árekstrinum.

Í annarri lotu sáum við þá gamla góða takta frá Anthony Joshua og náði hann að rota Kristian Prenga með sinni kraftmiklu hægri hendi.

Næsti bardagi sem Joshua horfir á er gegn Tyson Fury en báðir aðilar hafa skrifað undir samning og sagst ætla að berjast. Ekki hefur verið kynnt nákvæm dagsetning á bardaganum en líklegast verður hann í nóvember. Ekki er heldur búið að tilkynna hvar bardaginn verður.