Sport

Bjóða hverjum sem vinnur Littler 84 milljónir

Valur Páll Eiríksson skrifar
Luke Littler er besti pílukastari heims þrátt fyrir ungan aldur.
Luke Littler er besti pílukastari heims þrátt fyrir ungan aldur. Getty/Warren Little

Netflix óskar eftir áskorendum úr röðum almennings til að takast á við heimsmeistarann Luke Littler í pílukasti fyrir nýjan raunveruleikaþátt. Takist einhverjum að leggja Littler að velli fær sá hinn sami 84 milljónir króna í vasann.

Netflix mun streyma beint frá sérstökum viðburði þar sem almennum borgurum er gefið tækifæri til að vinna Littler og hljóta fyrir peningaverðlaun. Viðburðurinn heitir einfaldlega „Vinndu Luke Littler“ (Beat Luke Littler) og verður streymt beint á Netflix þann 30. október.

Netflix leitar þátttakenda og eftir svæðisskipta undankeppni munu 20 áskorendur standa eftir og hver þeirra keppa við Littler í einum legg upp í 501 stig.

Í yfirlýsingu Netflix segir: „Reglurnar eru einfaldar: Eitt kvöld, eitt tækifæri, og einn fullkominn leggur upp á 501. Ef áskorandinn vinnur píluundrið Luke Litter, mun sá hinn sami ganga af velli með 501 þúsund pund (tæplega 84 milljónir króna).“

Undanrásirnar fara fram í Manchester og London í september í aðdraganda keppninnar sem fram fer í október.

Pílukast

Mest lesið


Fleiri fréttir

Sjá meira


×

Mest lesið