Emelía skoraði í fyrsta leik

HB Köge á titil að verja eftir síðustu leiktíð og hóf þessa með því að heimsækja FCK til Kaupmannahafnar.

Emelía byrjaði í framlínu Köge ásamt hinni írsku Kyra Carusa en sú kom gestunum yfir eftir 17 mínútna leik.

Emelía tvöfaldaði forystuna á 37. mínútu leiksins áður en Carusa innsiglaði 3-0 sigur á 70. mínútu leiksins.

Sunneva Sigurvinsdóttir kom þá inn á sem varamaður í liði FCK á 70. mínútu.

Köge hefur titilvörnina á sigri en FCK, sem er nýliði í deildinni, virðist eiga langt í land hvað varðar að berjast á toppi deildarinnar.