Ungverjagrýlan hrjáir ekki U18 lið Ís­lands

Snemma leiks kom í ljós að íslenska liðið væri mun betra og var liðið með forystu nær allan leikinn. Gunnar Róbertsson var stjarna íslenska liðsins en hann skoraði tólf mörk úr þrettán skotum. Sá sem var næstmarkahæstur úr íslenska liðinu var Anton Frans Sigurðsson með sjö mörk.

Ísland er í efsta sæti D-riðils með fullt hús stiga eftir sigra á Svartfjallalandi og Ungverjalandi. Síðasti leikur riðilsins er gegn Sviss en Ungverjaland vann Sviss í fyrsta leik riðilsins.

Íslenska liðið er búið að tryggja sig í milliriðilinn og mætir þar að öllum líkindum Danmörku og Póllandi. Þetta eru gríðarlega sterk lið og því mikilvægt að fara í milliriðilinn með fullt hús stiga.