Efna­hags- og Evrópu­mál, hval­veiðar og lax­eldi á landi á Sprengi­sandi

Fyrst ræðir Arnór Sighvatsson, fyrrverandi aðstoðarseðlbankastjóri, afstöðu sína til þjóðaratkvæðagreiðslunnar 29. ágúst og þá skoðun sína að evran henti íslenska hagkerfinu vel. Hann telur efnahagslegt fullveldi best tryggt með inngöngu í ESB og þátttöku í gjaldmiðlabandalagi.

Næst mætir Árni Sverrisson, formaður Félags skipstjórnarmanna. Árni segir reynslu sjó- og skipstjórnarmanna skýra um áhrif gríðarlegrar fjölgunar hvala á fiskistofna við Íslandsstrendur. Bregðast verði við en umfram allt hvetur hann til miklu umfangsmeiri rannsókna á vistkerfi hafsins og samspili tegunda sem þar eru.

Síðastur mætir Lárus S. Ásgeirsson, stjórnarformaður Laxeyjar í Vestmannaeyjum. Lárus rekur möguleika Laxeyjar og annarra landeldisfyrirtækja í laxi til næstu ára. Spár gera ráð fyrir því að Íslandi taki forystu á þessu sviði innan fárra ára. Gríðarlegir möguleikar á verðmætaaukningu í útflutningi að hans mati.