Írskur hnefaleikakappi í „alvarlegu“ á­standi eftir að hafa rotast í bar­daga

Lee Reeves, írskur hnefaleikakappi, barðist í gær við Gary Cully í Dyflinni. Cully náði rothöggi á Reeves í tíundu lotu bardagans og rotaðist Reeves alvarlega.

Sjúkraliðar héldu á Reeves, sem er 31 árs gamall, á börum af hringnum og fóru með hann beint upp á spítala. Hann hefur verið þar síðan en talsmaður hnefaleikasambandsins sem hélt bardagann sagði að hann væri í alvarlegu ástandi en þó stöðugur.

„Við munum vita meira á næstu dögum en við biðjum fyrir Lee og fjölskyldu hans. Hann er enn á spítalanum þar sem hann er í alvarlegu, en þó stöðugu, ástandi.“

Eftir bardagann hrósaði Cully mótherja sínum og sagði að hann hefði sýnt að hann gæti barist á hæsta stigi. Þetta var stærsti bardagi Reeves til þessa.