Annar á­rekstur á sama vegkafla með klukku­stundar milli­bili

Bílaröð hefur myndast á ný en slysið varð skammt þaðan sem harður árekstur varð fyrir rétt rúmri klukkustund. Fólk sem sat í bílum sínum rauk út til aðstoðar þeim sem höfðu lent út af veginum en Höskuldur B. Erlingsson aðalvarðstjóri Lögreglunnar á Norðurlandi vestra staðfestir þetta í samtali við fréttastofu.

Hann biðlar til vegfarenda sem lenda nú aftur í töfum að sýna stillingu og ítrekar mikilvægi þess að sýna þolinmæði í umferðinni. Það borgi sig ekkert að taka fram úr enda sé umferðin eins þung og hún gerist og ökumenn endi alltaf aftur í bílalestinni sem er á leið í bæinn.

Fréttin er í vinnslu.