Sport

Marg­faldir meistarar fóru í hlut­verk kylfusveina fyrir Ís­lands­mótið

Ágúst Orri Arnarson skrifar
Sveinn, Tómas og Logi hafa unnið nokkra meistaratitla sín á milli en létu aðra sjá um leikinn í skemmtilegu myndbandi sem birtist í dag.
Sveinn, Tómas og Logi hafa unnið nokkra meistaratitla sín á milli en létu aðra sjá um leikinn í skemmtilegu myndbandi sem birtist í dag. GSÍ

Til að hita upp fyrir Íslandsmótið í golfi og kynnast nýja Korpúlfsstaðavellinum betur skelltu þrír kylfingar sér í hlutverk kylfusveina.

Golfsambandið gerði myndband af afrakstrinum í samstarfi við Brutta Golf og 66 Norður.

Logi Sigurðsson, Íslandsmeistari í golfi árið 2023 og Íslandsmeistari í holukeppni karla 2024, var kylfusveinn fyrir Inga Rúnar Birgisson, sem er sonur Birgis Leifs Hafþórsson eins besta kylfing í sögu Íslands.

Tómas Eiríksson Hjaltested, sigurvegari Einvígisins í Nesinu síðustu tvö ár, var kylfusveinn fyrir Fannar Jóhannsson markaðsstjóra Golfsambandsins.

Sveinn Andri Sigurpálsson, klúbbmeistari GS árið 2024, var svo kylfusveinn fyrir Dag Þórhallsson, einn af eigendum Brutta Golf.

Breytingar hafa verið gerðar á Korpúlfsstaðavelli fyrir Íslandsmótið um helgina. Völlurinn er kominn í keppnisstand og teigarnir hafa á sumum holum verið lengdir töluvert, sem flækir málin fyrir kylfinga.

Úr varð stórskemmtilegt einvígi í þriggja manna höggleik af hvítum teigum.

Innslagið fyrir Íslandsmótið í golfi má sjá í spilaranum hér fyrir neðan.

Golf

Mest lesið


Fleiri fréttir

Sjá meira


×

Mest lesið