Tekur skóna af hillunni til að hjálpa Þrótti

Þróttur fær þarna góða liðsstyrkingu fyrir komandi átök í Bestu deild kvenna en liðið situr í 7. sæti, þremur stigum frá fallsvæðinu. Þróttur er líka í séns á að vinna bikarkeppnina í fyrsta sinn í sögu félagsins, þegar liðið mætir Grindavík/Njarðvík í úrslitaleik þann 12. september.

Sierra kom fyrst til Þróttar árið 2017 en spilaði síðast fyrir félagið frá 2023-2025, áður en hún ákvað leggja skóna á hilluna. Í heildina hefur hún spilað 70 leiki með Þrótti og skorað 29 mörk.

Nú snýr þessi öflugi framherji aftur á fótboltavöllinn. Þróttur mætir Stjörnunni í 14. umferð Bestu deildar kvenna í kvöld.

“Það er frábært að fá Sierru aftur út á völl enda afburða leikmaður og mikil íþróttakona. Hún á eftir að styrkja hóp Þróttar verulega í lokabaráttunni í Bestu deildinni í ár. Við bjóðum hana velkomna á ný,” segir Kristján Kristjánsson, formaður knattspyrnudeildar Þróttar.