Sindri Hrafn kastaði sig í úr­slit

Sindri Hrafn Guðmundsson var í fyrri kastriðli í undankeppni spjótkasts á EM í frjálsum íþróttum. Fyrsta kastið hans fór 77,49 metra og var orðið ljóst að hann þyrfti að kasta lengra en það. Annað kastið hans Sindra Hrafns varð ógilt og því varð síðasta kastið mikilvægt.

Í síðasta kastinu fór spjótið hans Sindra Hrafns 79,21 metra og endaði í áttunda sæti síns undanriðils. Það komast tólf spjótkastarar í úrslitin og því þurfti hann að bíða og sjá hvernig seinni kastriðillinn myndi enda.

Í seinni umferð spjótkastsins voru aðeins þrír sem náðu að kasta lengra en Sindri Hrafn og var hann því ellefti inn í úrslitin. Persónulega metið hans er 82,55 metrar og á því Sindri Hrafn nóg eftir í úrslitunum.

Sindri Hrafn mun kasta í úrslitum spjótkastsins á laugardaginn og byrjar keppnin klukkan átta.