Innlent

Leit enn í fullum gangi og hátt í hundrað á svæðinu

Eiður Þór Árnason skrifar
Mikill fjöldi tekur þátt í leitinni.
Mikill fjöldi tekur þátt í leitinni. Landsbjörg

Leit stendur enn yfir að manni sem talið er að hafi fallið út í Jökulsá á Brú við Stuðlagil. Hátt í hundrað manns taka þátt í aðgerðinni frá öllum björgunarsveitum á Austurlandi en tilkynning barst um atvikið rúmlega eitt í dag.

Þetta segir Jón Þór Víglundsson, upplýsingafulltrúi hjá Slysavarnafélaginu Landsbjörg í samtali við fréttastofu. Fyrstu viðbrögð hafi verið að senda eins mikinn mannskap á svæðið og kostur var. Gengu björgunarsveitarmenn svo meðfram ánni frá brúnni við Klaustursel og flugu myndavéladrónum yfir svæðið.

Klippa: Hátt í hundrað leita í Jökulá

Sérstaklega var hugað að leit frá Stuðlagili þar sem síðast sást til mannsins. Þyrla Landhelgisgæslunnar kom á svæðið upp úr klukkan hálf fjögur með straumvatnsbjörgunarmenn frá Reykjavík og flaug meðfram ánni, að sögn Jóns. Leit heldur nú áfram. 

Stuðlagil hefur verið vinsæll viðkomustaður ferðamanna á Austurlandi undanfarin ár. Erlend ferðakona á fertugsaldri lést þegar hún féll í ána í október árið 2024. Þremur og hálfu ári áður komu nærstaddir konu sem féll í klettum við gilið til bjargar.

Tilkynnt var um mann sem hafði fallið í Jöklu í Stuðlagili.Landsbjörg

Fréttin hefur verið uppfærð. 

Björgunarsveitir Múlaþing Stuðlagil

Tengdar fréttir

Þyrlan kölluð út vegna manns sem féll í Stuðlagil

Allt tiltækt lið björgunarsveita á Austurlandi hefur verið kallað út vegna tilkynningar um að maður hafi fallið út í Jöklu í Stuðlagili. Þyrla Landhelgisgæslunnar er á leið austur með straumvatnsbjörgunarmenn frá höfuðborgarsvæðinu.

Mest lesið


Fleiri fréttir

Sjá meira


×

Mest lesið