Arnar Freyr fagnaði sigri í frum­rauninni með Flensburg en naumt tap hjá Arnóri

Arnar Freyr kom til Flensburg frá Melsungen í sumar. Hann þreytti frumraun sína með liðinu í leiknum í kvöld og spilaði rúman hálftíma.

Arnar Freyr skoraði eitt mark fyrir Flensburg auk þess sem hann varði tvö skot í vörninni.

Simon Pytlick skoraði sjö mörk fyrir Flensburg sem þurfti að hafa mikið fyrir hlutunum gegn Eisenach sem endaði í 14. sæti af átján liðum á síðasta tímabili. Á meðan lenti Flensburg í 3. sæti.

Arnór er þjálfari Bergischer sem endaði í 13. sæti þýsku úrvalsdeildarinnar á síðasta tímabili, sem nýliði.

Liðið hóf tímabilið gegn Stuttgart á útivelli í kvöld og þurfti að sætta sig við naumt tap, 30-29. Stuttgart leiddi nær allan leikinn en Bergischer var aldrei langt undan.

Í næstu umferð fær Bergischer Arnar Frey og félaga í Flensburg í heimsókn.