Dag­skráin í dag: Meistararnir gegn Villa og granna­slagur í Kópa­vogi

Englandsmeistarar Arsenal hófu titilvörn sína með afar sannfærandi hætti fyrir rúmri viku, þegar þeir rúlluðu upp nýliðum Coventry 3-0. Þeir sækja heim lið Aston Villa sem hefur verið að sækja nýja leikmenn eftir 4-0 skell gegn Brighton í fyrsta leik.

Villa-menn, sem enduðu í 4. sæti á síðustu leiktíð, unnu heimaleik sinn gegn Arsenal með afar dramatískum hætti á síðustu leiktíð og ætla sér eflaust að endurtaka leikinn.

Á Kópavogsvelli er svo alvöru grannaslagur þegar Breiðablik og Stjarnan mætast í Bestu deild karla. 

Blikar hafa aðeins fengið eitt stig úr síðustu fjórum leikjum og sannkallaður stormur hefur geisað í kringum Stjörnuliðið í kjölfar þess að Jón Þór Hauksson var rekinn og lét móðan mása í viðtali um dvölina í Garðabæ.

Upplýsingar um allar beinar útsendingar Sýnar má finna hér.