Freyr frá­bær í stór­sigri á ÍBV

Haukum er spáð deildarmeistaratitlinum fyrir komandi leiktíð og segja má að þeir hafi staðið undir væntingum í fyrsta leik gegn Eyjaliði sem er enn að stilla saman strengi.

Þeir byggðu forskot sitt upp hægt og rólega í fyrri hálfleik og leiddu 18-11 þegar hálfleiksflautið gall.

Ekkert benti til þess að ÍBV yrði nálægt því að brúa það bil eftir hlé og Haukar héldu forystunni allt til loka. Lokatölur 38-29 Haukum í vil.

Hinn 18 ára gamli Freyr Aronsson, sonur Arons Kristjánssonar, var markahæstur á vellinum í dag með ellefu mörk úr þrettán marktilraunum. Þar af voru tvö af vítalínunni. Liðsfélagi hans Össur Haraldsson skoraði sjö úr vinstra horninu.

Daníel Þór Ingason var markahæstur Eyjamanna með sex mörk úr tólf skotum.

Upplýsingar fengnar af HBstatz.