Má ekki mæta Ís­landi eftir dóm fyrir heimilis­of­beldi

Rodrigues hlaut átján mánaða skilorðsbundinn fangelsisdóm fyrir heimilisofbeldi gegn fyrrverandi kærustu sinni, fegurðardrottningunni Émilie Boland, og fleiri líkamsárásir.

Dóminn hlaut Rodrigues í mars 2024 og áfrýjunardómstóll staðfesti dóminn í apríl á síðasta ári.

Rodrigues hélt þó áfram að spila fyrir hönd Lúxemborgar alveg fram í júní í fyrra en eftir harða gagnrýni og mótmæli ákvað knattspyrnusamband Lúxemborgar á endanum að setja leikmanninn í ótímabundið bann frá landsliðinu.

Málið leiddi einnig til þess að stofnuð var sérstök óháð siðanefnd sambandsins.

Rodrigues hefur skorað 23 mörk fyrir Lúxemborg, þar á meðal í 1-1 jafnteflinu við Ísland á Laugardalsvelli í október 2023, í undankeppni EM.

Markahæstur í núverandi leikmannahópi Lúxemborgar er Danel Sinani, leikmaður Sampdoria á Ítalíu, með 16 mörk í 83 A-landsleikjum.

Leikur Lúxemborgar og Íslands er annað kvöld klukkan 18:45. Bein útsending á Sýn Sport hefst klukkan 18.