Mætti Í­tölum tuttugu árum eftir að hafa skallað Materazzi

Viðureign Frakklands og Ítalíu er Zinedine Zidane, landsliðsþjálfara Frakklands sem er að stýra liðinu í sínum fyrstu leikjum, vel kunnug frá úrslitaleik HM 2006 fyrir tuttugu árum síðan þegar hann lét reka sig af velli fyrir að skalla Marco Matterazzi. Ítalir urðu að lokum heimsmeistarar.

Í aðdraganda leiksins var Zidane eðlilega spurður út í atvikið. Hann segist ekki stoltur af því en sagðist á sama tíma ekki sjá eftir neinu frá sínum leikmanna ferli. 

Saga Zidane og Ítalíu bauð upp á auka krydd í leik kvöldsins sem var hin fínasta skemmtun. 

Michael Olise kom Frökkum yfir með marki á 55. mínútu en rúmum þrettán mínútum síðar jafnaði Alessandro Bastoni metin fyrir Ítalíu og þar við sat. Lokatölur 1-1 jafntefli.

Í sama riðli völtuðu Belgar yfir Tyrki, 3-0, með með tvennu frá Kevin De Bruyne og einu marki frá Romelu Lukaku. 

Tyrkir tapað öllum leikjum sínum til þessa í riðlinum, fengið á sig átta mörk og aðeins skorað eitt. Þeir verma botnsæti riðilsins og eru án stiga. 

Frakkar eru á toppnum eftir fyrstu þrjár umferðirnar með sjö stig, Belgar þar á eftir með sex stig og Ítalir í þriðja sæti með fjögur stig.