Tapaði titlinum í lokabeygjunni

Elfyn Evans og Oliver Solberg kepptu um titilinn í dag en hvorugur hafði unnið heimsmeistaratitil. Reynsluboltinn Evans atti kappi við Solberg í Sardiníurallýinu í dag, sem var jafnframt lokakeppni tímabilsins í WRC-keppninni um heimsmeistartitilinn.

Lokakaflinn var dramatískur þar sem Solberg hafði það í höndum sér að fagna sigri en missti bílinn bókstaflega í lokabeygju brautarinnar. Allt stefndi í að hann myndi tryggja sér titilinn þar til það fór allt út um þúfur.

37 ára gamli reynsluboltinn Evans gerði vel í sínu og hafði sigurinn eftir mikla dramatík vegna útafkeyrslu Solbergs.

Evans er fyrsti heimsmeistarinn í sögu Wales.