Littler tapaði ó­vænt á heims­meistara­móti ung­linga

Littler byrjaði leikinn illa en vaknaði svo til lífsins eftir því sem leið á leikinn gegn Grabtree. Í lokin var forskot Crabtree of mikið og náði hann að vinna Littler 6-5. Littler var fyrir þennan leik ekki búinn að vera í miklum vandræðum á mótinu og var aðeins einn leikur þar sem hann vann ekki örugglega.

Leikmenn á aldrinum 16–24 ára mega keppa á mótinu en Littler er aðeins 19 ára gamall. Þrátt fyrir að vera ungur hefur hann unnið öll stærstu mótin í pílukasti og meðal annars orðið heimsmeistari tvö ár í röð.

Það kom því á óvart að hann skyldi taka þátt í mótinu en það er mikilvægt fyrir leikmenn á hæsta stigi að skipuleggja tímann sinn vel þar sem mikið er af mótum og ferðalögum. Wayne Mardle sérfræðingur Sky Sports furðaði sig á því að Littler hafi spilað á mótinu þar sem hann hefur lítið til að græða.

Mardle hefur einnig áhyggjur af Littler þar sem hann er ekki búinn að vera að spila vel upp á síðkastið: „Þú sérð það hvernig hann er búinn að vera að tapa. Hann er ekki búinn að spila vel.“