Fær­eyingar misstu niður tveggja marka for­skot gegn Kasakstan

Staðan var vænleg fyrir gestina eftir 63 mínútna leik þegar staðan var orðin 2-0 fyrir Færeyjar. Mörk þeirra gerðu Petur Knudsen og Géza Dávid Turi. Stuttu seinna fékk Martin Agnarsson rautt spjald og Færeyingar einum færri. 

Það nýttu heimamenn sér vel. Á 69. mínútu minnkaði Sergiy Malyi muninn í 2-1 og síðan nokkrum mínútum síðar náði Nuraly Alip að jafna metin. Fimm mínútum fyrir leikslok fékk Sergiy Malyi einnig rautt spjald hjá heimamönnum og jafnt var í liðunum undir lokin.

Að lokum fór leikurinn 2-2 og þurftu þjóðirnar að skipta stigi á milli sín. Kasakar eru á botninum í riðlinum með 2 stig en Feyringar eru með fjögur stig í öðru sæti, þremur stigum á eftir Slóvökum.

Gunnar Vatnhamar lék allan leikinn fyrir Færeyinga í dag og það í hjarta varnarinnar.