Bað leik­menn Como um að „slaka á“ í lokin gegn Man. United

Nýliðarnir í Meistaradeildinni juku pressuna á Michael Carrick, stjóra United, með því að leggja þrefalda Evrópumeistarana að velli með auðveldum hætti á miðvikudagskvöldið.

Nico Paz kórónaði glæsilega frammistöðu sína, sem skilaði honum nafnbótinni maður leiksins, með tveimur mörkum á Stadio Giuseppe Sinigaglia, þar sem Tasos Douvikas og Jacobo Ramón skoruðu einnig fyrir ítalska félagið sem verður sífellt betra.

En stolt Fabregas yfir frammistöðunni var blandið vonbrigðum yfir því að sjá Joshua Zirkzee, varamann United, skora sárabótarmark í uppbótartíma og hann viðurkenndi að hann hefði beint athyglinni að leiknum gegn Sassuolo á laugardag á lokamínútunum.

„Ég tel að taktískt séð hafi liðið spilað nokkuð góðan leik,“ sagði Fabregas sem er fyrrverandi stjarna Barcelona, Arsenal og Chelsea.

„Ég sé kannski eftir síðustu tíu mínútunum þegar ég sagði liðinu að hægja á leiknum og slaka á vegna þess að það var annar leikur fram undan og kannski hefðu þeir með 4-0 forystu getað haldið þessu,“ sagði Fabregas.

„Ég sagði Tasos Douvikas að hlaupa ekki meira, að halda sig á miðjunni, og kannski er það það sem ég sé eftir, því ég er sá fyrsti sem berst alltaf allt til enda. Þetta mark særði mig,“ sagði Fabregas.