Fréttamaður

Auður Ösp Guðmundsdóttir

Auður Ösp er fréttamaður á fréttastofu Sýnar.

Nýjustu greinar eftir höfund

Sleppti því að þrífa símann í viku og niður­staðan kom á ó­vart

Hrísgrjón sem standa of lengi við stofuhita geta valdið veikindum. Mygla á einni brauðsneið getur náð lengra inn í brauðið en augað sér. Og mjólk sem er komin nokkra daga fram yfir „best fyrir“ þarf ekki sjálfkrafa að fara í vaskinn. Þetta eru meðal þeirra hversdagslegu atriða sem Radek B. Dudziak heilbrigðisfulltrúi vill fá fólk til að hugsa aðeins meira um, án þess þó að gera það dauðhrætt við eigið eldhús.

„Það er ó­trú­lega dýrt og lýjandi að hafa rétt fyrir sér“

Tæp þrjú ár liðu frá því Rannveig Tenchi Ernudóttir og fjölskylda hennar keyptu hús í Stykkishólmi þar til þau fengu loks afsal fyrir eigninni. Húsið var sagt í góðu ástandi og vel við haldið en fljótlega komu, að sögn Rannveigar, í ljós leki, mygla, skemmdir á hitakerfi og vandamál með frárennsli. Fjölskyldan eyddi sparnaði sínum í framkvæmdir og lögfræðikostnað en Rannveig segir reynsluna hafa sýnt hversu erfitt getur verið fyrir kaupendur að sækja rétt sinn.

Heyrir aftur hljóð sem höfðu verið horfin í mörg ár

Elísabet Þór Jóhannesdóttir missti heyrnina smám saman á rúmum áratug og undir lokin heyrði hún nánast ekkert á vinstra eyra án hjálpartækis. Í september í fyrra gekkst hún undir svokallaða kuðungsígræðslu og tók þá við langt ferli þar sem heilinn þurfti að læra að túlka hljóð upp á nýtt. Síðan þá hafa hljóð sem áður voru sjálfsögð komið aftur inn í líf hennar. 

Var send í megrunarbúðir 11 ára gömul

Vijona Salome er einungis 28 ára en hefur engu að síður afrekað margt á stuttri ævi. Hún hefur orðið þrefaldur Íslandsmeistari í fitness, flutt til Spánar, byggt þar upp eigið fyrirtæki og á síðustu mánuðum safnað um átján þúsund fylgjendum á TikTok þar sem hún deilir margvíslegum fróðleik um mataræði og heilsu.  

„Ég byrjaði að lesa kaflann og fór bara að gráta“

Ný skáldsaga Þorgríms Þráinssonar, Ég kom til að gráta, á rætur í banaslysi sem hann heyrði um sem ellefu ára drengur í Ólafsvík. Slysið sat í honum frá barnsaldri en 37 ár liðu frá því að hann fór fyrst að punkta hjá sér hugmyndir að sögunni þar til hún varð að bók.

Presturinn sem hataði kristin­fræði

Dagur Fannar Magnússon, prestur í Fríkirkjunni í Reykjavík, hefur áhyggjur af því að ungir karlar leiti í auknum mæli í kristna trú samhliða mjög íhaldssömum og útilokandi hugmyndum. Hann segist hafa hitt unga menn sem séu mjög trúaðir en jafnframt fullir af fordómum og telur mikilvægt að prestar bregðist við þeirri þróun með því að leggja áherslu á kærleiksboðskap kristninnar. Dagur hefur sjálfur farið óhefðbundnar leiðir í sinni trúarlegu leit. Samhliða kristinni trú hefur hann kynnt sér hugleiðslu og sjamanisma.

Einn mánuður án á­fengis breytti öllu

Sunna Ben Guðrúnardóttir hefur lengi verið áberandi í íslensku menningar- og skemmtanalífi sem ljósmyndari og plötusnúður og hefur komið víða við í skapandi störfum. Fyrir þrettán árum var staðan þó allt önnur. Hún var 24 ára, nýkomin heim úr myndlistarnámi, atvinnulaus, blönk og glímdi við kvíða sem áfengið gerði enn verri. Þegar hún ákvað að prófa einn mánuð án áfengis hafði hún enga hugmynd um að sá mánuður yrði upphafið að nýju lífi.

Skrifaði gaman­þætti um löggur á meðan hann var sjálfur að leika löggu

Kvartanir vegna kynlífsathafna. Maður dettur í karókí. Kúkur á bílahúddi. Maður í annarlegu ástandi „bítur frá sér“. Fyrir flesta eru þetta furðulegar, stuttar færslur úr dagbók lögreglunnar sem maður les, brosir yfir og gleymir svo. Fyrir Ólaf Ásgeirsson og samstarfsfólk hans urðu þær hins vegar að efnivið í nýja íslenska gamanþáttaröð, Dagbók lögreglu, þar sem hversdagsleg og oft stórfurðuleg útköll lögreglu eru tekin, teygð, snúin og færð yfir í skáldskap.

„Ef ég hefði ekki farið upp á heilsu­gæslu þá hefði ég ekki fengið heila­blóð­fall“

„Ég sætti mig við að fólk geti gert mistök og er fljót að fyrirgefa. Það sem ég get ekki sætt mig við er ef enginn vill síðan taka ábyrgð eða fara almennilega yfir hvað gerðist. Ég vil bara að það sé horft á málið eins og það er og að allar upplýsingar komi fram,“ segir Soffía Adda A. Guðmundsdóttir. Atburðarás sem hófst um hádegi 13. febrúar 2025 leiddi til þess að hún fékk heilablóðfall sem breytti lífi hennar til frambúðar.

Sjá meira

Mest lesið