Fjármálafyrirtæki

Fréttamynd

„Við erum ekkert æst í að fá nýjan skatt“

Framkvæmdastjóri Samtaka fyrirtækja í fjármálaþjónustu segir boðaðar viðbótarskatttekjur frá fyrirtækjum í fjármálageiranum koma verulega á óvart. Algjör óvissa ríki um það um hvers konar viðbótarskatta verður að ræða og þegar hafi verið óskað eftir fundi með fjármálaráðherra. Íslensk fjármálafyrirtæki greiði nú þegar flesta og hæstu skatta allra banka í þeim löndum sem Ísland ber sig saman við.

Viðskipti innlent
Fréttamynd

Ráð­herra fari með rangt mál

Formaður BSRB segir fjármálaráðherra tala gegn betri vitund þegar hann heldur því fram að ríkisstarfsmönnum hafi fjölgað hraðar en starfsfólki á almennum vinnumarkaði síðustu ár. Þeim hafi þvert á móti fækkað hlutfallslega. Markmið um fækkun stöðugilda næstu ár sé vonbrigði og byggi ekki á faglegri stefnumótun.

Innlent
Fréttamynd

Lands­bankinn hækkar einnig vexti

Forsvarsmenn Landsbankans tilkynntu í dag að vextir yrðu hækkaðir. Hækkanirnar eru á milli 0,15 upp í 0,35 prósentustig eftir því hverslags lán er um að ræða en fyrstu breytingarnar tóku gildi í dag og hinar taka gildi á föstudaginn.

Viðskipti innlent
Fréttamynd

„Löngu tíma­bært“ að kaup­auka­reglur verði þær sömu og í nágranna­löndum

Stjórnarformaður Kviku telur að innleiðing á nýju regluverki um breytileg starfskjör muni að óbreyttu hafa „alvarleg áhrif“ á samkeppni um starfsfólk á fjármálamarkaði og kallar eftir því að löggjöfin sé samræmd við það sem þekkist í nágrannalöndum. Stjórnendur Kviku og Arion hafa átt í forviðræðum um margra mánaða skeið við Samkeppniseftirlitsins vegna fyrirhugaðs samruna en „of snemmt“ er að segja til um lyktir þeirra.

Innherji
Fréttamynd

Vextir hafi sannar­lega lækkað en fram­boðið sé breytt

Bankastjóri Landsbankans segir vexti bankans sannarlega hafa lækkað samhliða stýrvaxtalækkunum undanfarinna mánaða. Framboð bankans sé aftur á móti gjörbreytt eftir Vaxtadómana svokölluðu og því erfitt að bera saman vexti nýrra lána fyrir og eftir dómana. Tölur sem formaður Starfsgreinasambandsins vísaði til í gær séu þannig réttar en vart samanburðarhæfar.

Viðskipti innlent
Fréttamynd

Gengis­hækkun bréfa ISB vegna mikilla endur­kaupa var „ekki for­sendu­brestur“

Þegar samið var um helstu skilmála samruna Íslandsbanka og Skaga í október, meðal annars með því að festa gagngjaldið til hluthafa Skaga í tilteknum fjölda hluta, var gert ráð fyrir áframhaldandi kaupum bankans á eigin bréfum sem hafði „óhjákvæmilega áhrif til hækkunar“ á hlutabréfaverðinu, að sögn stjórnarformanns Skaga. Hann segir það hafa verið „veruleg vonbrigði“ þegar Íslandsbanki setti fram kröfur um mikla lækkun á gagngjaldinu á grundvelli ólíkrar þróunar á markaðsvirði félaganna sem hafi ekki átt sér stoð sem ein forsenda breytinga á samkomulaginu.

Innherji
Fréttamynd

Bjartur og Vé­steinn Örn til SFF

Tveir nýir starfsmenn hafa hafið störf hjá Samtökum fyrirtækja í fjármálaþjónustu, SFF, þeir Bjartur Elíasson og Vésteinn Örn Pétursson. Bjartur starfar sem lögfræðingur hjá samtökunum, en Vésteinn í stöðu sérfræðings í samskiptum, auk þess sem hann sinnir lögfræðilegum verkefnum.

Viðskipti innlent
Fréttamynd

Telur stjórnar­menn þurfa að út­skýra fyrir hlut­höfum breytta af­stöðu til sam­runa

Fjárfestirinn Bjarni Ármannsson segist „ekki trúa öðru“ en að stjórnir Íslandsbanka og Skaga muni á aðalfundi félaganna í komandi viku gera efnislega grein fyrir því gagnvart hluthöfum af hverju samrunaviðræðum var slitið og kallar eftir því að lífeyrissjóðir hafi skoðun á slíkum „strategískum ákvörðunum.“ Þá er Bjarni, annar stærsti hluthafi Skaga, afar gagnrýninn á að ekki hafi verið upplýst um hvaða fjárfestar voru í samfloti með Heiðari Guðjónssyni þegar óskað var eftir hluthafafundi í Íslandsbanka í því skyni að efna til stjórnarkjörs og segir slíka „leyndarhyggju ekki vera í lagi“ þegar um sé að ræða kerfislega mikilvægan banka.

Innherji
Fréttamynd

Skrif­stofu­stjórinn fær ekki á­heyrn og situr uppi með feitan reikning

Páll Þórhallsson, skrifstofustjóri í forsætisráðuneytinu, fær ekki áheyrn Hæstaréttar í deilu hans við Landsbankann. Páll tapaði greiðslukorti sínu í París í Frakklandi og óprúttnir aðilar náðu tæpum 600 þúsund krónum út af reikningi hans. Landsréttur taldi Pál hafa sýnt af sér stórkostlegt gáleysi og Landsbankinn þyrfti því ekki að endurgreiða honum fjármunina.

Innlent
Fréttamynd

Ein­stakt tæki­færi til að læra um fjár­mál

Börn og ungmenni eru fljót að tileinka sér nýjungar samhliða hraðri tækni- og sjálfvirknivæðingu og auknu framboði á vörum og fjármálaþjónustu. Boðleiðir styttast og mun einfaldara er að taka fjárhagslegar ákvarðanir sem áður voru oftast teknar undir leiðsögn fullorðinna.

Skoðun
Fréttamynd

Kemur „mjög á ó­vart“ að stjórn ISB treysti sér ekki til að standa við sam­komu­lagið

Stóru lífeyrissjóðirnir sem eru í þeirri stöðu að eignarhald þeirra þverast með svipuðum hætti í Íslandsbanka og Skaga eru fremur fámálir um þá ákvörðun að samrunaviðræðum hafi verið slitið, á meðan afstaða sumra annarra sjóða litast af því hvar hagsmunir þeirra vega hlutfallslega meira. Stærsti einkafjárfestir Skaga segir það koma „mjög á óvart“ að stjórn Íslandsbanka hafi ekki treyst sér til að standa við samkomulagið en hún fór fram á verulegar breytingar á fyrri verðskilmálum við samruna félaganna sem yrðu aðlagaðir með tilliti gengishækkunar á bréfum bankans og gagngjaldið að hluta greitt með reiðufé.

Innherji
Fréttamynd

Tryggingar lækki veru­lega verði ráðist í nauð­syn­legar úr­bætur

Neytendur gætu sparað sér háar fjárhæðir ef farið yrði í úrbætur á íslenskum tryggingamarkaði að mati Neytendasamtakanna. Bótakerfi tryggingafélaganna sé óþarflega flókið og fáir hafi yfirsýn yfir alla anga þess. Formaður Neytendasamtakanna segir umtalsvert svigrúm til hagræðingar, einföldunar og aukins gagnsæis.

Innlent
Fréttamynd

Arion verð­lagður á „spott­prís“ þrátt fyrir sam­bæri­lega arð­semi og nor­rænir bankar

Þrátt fyrir að skila sambærilegri arðsemi og aðrir helstu bankar á hinum Norðurlöndunum þá er Arion verðlagður á markaði talsvert lægra með hliðsjón af afkomu og eigið fé. Í nýrri hlutabréfagreiningu er Arion því sagður vera „á spottprís“ en verðmat á bankanum er lækkað lítillega og gert er ráð fyrir minni efnahagsumsvifum samtímis háum grunnvöxtum.

Innherji
Fréttamynd

Kristín í Komið gott fær sér dag­vinnu

Kristín Gunnarsdóttir hefur verið ráðin forstöðumaður Upplýsingamiðlunar, nýrrar deildar á sviði samskipta og menningar hjá Landsbankanum sem tekur til starfa í lok febrúar. Kristín hefur ásamt Ólöfu Skaftadóttur stýrt Komið gott, einu vinsælasta hlaðvarpi landsins, síðustu misserin.

Viðskipti innlent
Fréttamynd

Engin svör að fá sem skýra „rán um há­bjartan dag“

Trúnaður ríkir um innihald samninga sem Keflavíkurflugvöllur gerir við rekstraraðila í flugstöðinni og sökum þessa getur Isavia ekki veitt upplýsingar um það hvaða skilyrði eru fyrir hendi í samningi flugvallarins við fyrirtæki sem rekur fjármálaþjónustu á Keflavíkurflugvelli. Hins vegar eru þeir samningar sem Keflavíkurflugvöllur gerir við rekstraraðila þess eðlis að þeir eru jafnan tengdir við veltu. Af því má ráða að Isavia fái meira upp úr krafsinu eftir því sem rekstraraðilar í flugstöðinni fá meira í kassann. Það tók níu mánuði að fá svör frá Isavia um samning vegna fjármálaþjónustu á flugvellinum, sem var á þá leið að ekki væri unnt að veita umbeðnar upplýsingar.

Neytendur
Fréttamynd

Stjórn Ís­lands­banka vill greiða tólf milljarða í arð

Stjórn Íslandsbanka mun leggja til á aðalfundi að greiddir verði út tólf milljarðar í arð. Hagnaður af rekstri bankans nam 5,9 milljörðum króna á fjórða ársfjórðungi 2025 og 25,2 milljörðum króna fyrir árið í heild. Bankastjóri segir bankann hafa náð öllum sínum fjárhagslegu markmiðum.

Viðskipti innlent
Fréttamynd

Stjórn vill greiða fimm­tán milljarða í arð

Stjórn Arion banka mun leggja það til á aðalfundi í mars að greiddur verði út arður sem nemur 11,5 krónum á hlut, sem samsvarar um 15 milljarða arðgreiðslu. Hagnaður sem tilheyrir hluthöfum Arion banka var 30,6 milljarðar króna á árinu 2025, samanborið við 26,1 milljarð króna árið 2024.

Viðskipti innlent
Fréttamynd

„Ekki hlut­verk hins opin­bera að ýta sparnaði fólks í í­búðir“

Fjármála- og efnahagsráðherra segir markmið ríkisstjórnarinnar að stuðla að einföldun regluverks og að það eigi að vera einfalt fyrir venjulegt fólk að fjárfesta sparnaði sínum á Íslandi, enda hafi þátttaka almennings á hlutabréfamarkaði ýmislegt jákvætt í för með sér. „Við ætlum að hætta að ýta sparnaði fólks yfir í steinsteypu. Einhvern veginn höfum við endað í kerfi, þar sem stuðningur hins opinbera snýst fyrst og fremst að því að styðja við íbúðafjárfestingar. Það er ekki hlutverk hins opinbera að ýta sparnaði fólks í íbúðir.“

Viðskipti innlent
Fréttamynd

Kvika skráði ekki tugi þúsunda við­skipta og fær tug­milljóna sekt

Kvika banki hefur gengist undir sátt við Fjármálaeftirlit Seðlabanka Íslands vegna brota bankans á ákvæðum reglugerðar um markaði fyrir fjármálagerninga, MiFIR. Bankinn lét undir höfuð leggjast að skila svokallaðri TSR II-skýrslu vegna 73.792 viðskipta á tímabilinu 14. desember 2022 til 7. febrúar 2024 og þarf að borga tuttugu milljóna króna sekt vegna þess.

Viðskipti innlent
Fréttamynd

Ein­faldar leiðir til að efla hluta­bréfa­markaðinn

Síðasta áratug síðustu aldar og á fyrstu árum þessarar aldar var almenningi veittur árlegur skattaafsláttur vegna kaupa á skráðum hlutabréfum á íslenska markaðnum. Tilgangurinn með afslættinum var fyrst og fremst að efla hinn unga íslenska hlutabréfamarkað og auka þátttöku almennings á honum meðan hann var að komast á legg. Afslátturinn var afnuminn árið 2002 þrátt fyrir augljósan hvata, en þá var áhersla innan OECD-ríkja að einfalda skattkerfi og leitast við að draga úr ívilnunum en á móti að lækka skatta almennt.

Skoðun

Mest lesið