Birkir skoraði annan leikinn í röð í Evrópudeildinni | Sjáðu markið

Birkir Bjarnason, leikmaður Basel, var rétt í þessu að koma Basel yfir gegn Lech Poznan á heimavelli Basel í Evrópudeildinni.

Basel vann óvæntan 2-1 sigur á Fiorentina í fyrstu umferð og virðist ætla að fylgja því eftir með sigri á pólska liðinu á heimavelli.

Birkir fiskaði Karol Linetty af velli í upphafi seinni hálfleiks og kom Basel yfir stuttu síðar er hann lagði boltann framhjá markverði Lech Poznan af stuttu færi.

Var þetta annan leikinn í röð sem Birkir skorar í Evrópudeildinni en Birkir hefur farið vel af stað hjá Basel eftir að hafa gengið til liðs við svissneska liðið í sumar.

Myndband af markinu má sjá hér fyrir ofan en mark hans gegn Fiorentina má sjá hér fyrir neðan.