Innlent

Sigl­firðingar standa saman eftir á­fall gær­dagsins og spenna á ASÍ þingi

Íbúi á Siglufirði segir bæjarbúa standa saman í áfallinu eftir óveðrið í gær. Fjölskyldan hafi fengið skilaboð á skilaboð ofan um húsaskjól en þakið á húsi hennar fauk af í heilu lagi. Óljóst er hvenær þau geti gist í húsi sínu á ný. Rætt er við Karen Birgisdóttur í hádegisfréttum um veðurofsann í gær og afleiðingar hans. 

Innlent

Ís­lenskir kælar teknir af netinu eftir á­rás í Frakk­landi

Engar tilkynningar hafa borist um að íslenskar matvöruverslanir hafi orðið fyrir barðinu á tölvuárásum á kæla sem leiddu til þess að miklu magni matvæla var hent í Frakklandi í vikunni. Íslensk fyrirtæki virðast þó hafa brugðist við tíðindunum með því að taka kæla af netinu.

Innlent

Mót­mælir harð­lega vítissóda­til­raunum í Hval­firði

Karl Gauti Hjaltason þingmaður Miðflokksins segir að á næstu dögum muni fara fram einkennileg tilraun í nágrenni höfuðborgarinnar: hella eigi átta tonnum af natríumhýdroxíði, öðru nafni vítissóda, í Hvalfjörðinn. Þetta sagði hann í dagskrárliðnum Störfum þingsins í gær.

Innlent

Biðlar til fólks að fara var­lega í vetrarfærðinni

Aðalvarðstjóri hjá lögreglunni á Norðurlandi vestra biðlar til vegfarenda að fara varlega en vetrarfærð er fyrir norðan með snjó og krapi á vegum. Hann segir landshlutann hafa sloppið betur en á horfðist í óveðri gærdagsins en lögregla hafi haft áhyggjur um tíma af mikilli sjávarhæð við höfnina á Skagaströnd.

Innlent

Aug­lýsa eftir for­stjóra Mið­stöðvar um öryggis­ráð­stafanir

Félags- og húsnæðismálaráðuneytið hefur auglýst laust til umsóknar embætti forstjóra Miðstöðvar um öryggisráðstafanir. Hlutverk stofnunarinnar verður að reka úrræði fyrir einstaklinga sem dæmdir hafa verið til þess að sæta öryggisráðstöfunum samkvæmt dómsúrlausn í samræmi við ákvæði almennra hegningarlaga. Þar á meðal eru einstaklingar sem lokið hafa afplánun en talið er að séu enn hættulegir samfélaginu.

Innlent

Anna Valdimars­dóttir er látin

Anna Valdimarsdóttir, sálfræðingur og rithöfundur, lést á Landspítalanum við Hringbraut 9. október, 78 ára að aldri, eftir erfið veikindi. Anna rak eigin sálfræðistofu um margra ára bil, hélt vinsæl nám í sjálfstyrkingu og gaf út bækur um sjálfs- og hugrækt.

Innlent

Vilja nýjan vind­mæli: „Þökin fara á loft, falla niður og splundrast“

Jóhann K. Jóhannsson slökkviliðsstjóri í Fjallabyggð segir tímabært að koma upp vindmælingastöð í miðbænum á Siglufirði. Það sé verulegt tjón víða í bænum vegna óveðursins í gær. Hviðumælingar sýndu að sterkasta hviðan sem fór yfir í gær var um 56 metrar á sekúndu. Þök fuku af þremur húsum, palletta á bíl og aðrir lausamunir fuku.

Innlent

Sköpuðust að­stæður fyrir „snældu­vit­laust veður“ á Siglu­firði

Jón Þór Víglundsson upplýsingafulltrúi Landsbjargar segir vel hafa gengið hjá björgunarsveitarfólki um land allt í gær þrátt fyrir annríki. Óveður gekk yfir landið og voru björgunarsveitir kallaðar út víða um land, til dæmis vegna gróðurhúss sem fauk á Hellu. Mesta tjónið varð þó líklega á Siglufirði þar sem hviður náðu allt að 55 metrum á sekúndu. Þök fuku af þremur húsum en engin slys urðu á fólki.

Innlent

Verðkröfur stjórn­valda hafi fælt lyfjaframleiðendur frá

Framkvæmdastjóri samtaka frumlyfjafyrirtækja á Íslandi segir verðkröfur stjórnvalda fæla erlend lyfjafyrirtæki frá því að markaðssetja lyf hér á landi. Ísland teljist örmarkaður á þessu sviði og öll Norðurlöndin myndi saman um fimm prósent af lyfjamarkaði Evrópu.

Innlent

Lentu í öldu­gangi við Reynisfjöru

Ferðamenn komust í hann krappan í Reynisfjöru síðdegis í dag eftir að stór alda lenti á þeim. Viðbragðsáætlun hefur verið virkjuð í Reynisfjöru vegna veðursins.

Innlent

Vandinn heima­til­búinn og vill sleppistæði

Skoða á sérstök sleppistæði við ungbarnaleikskólann í Bríetartúni eftir ábendingar foreldra um erfiða og óörugga aðkomu. Magnea Gná Jóhannsdóttir, fulltrúi Framsóknar í umhverfis- og skipulagsráði, segir að ekki hafi verið nægilega hugað að aðgengi foreldra sem koma með börn sín á bíl.

Innlent

Með gaddakúlu og sprautunálakylfu

Akureyringur á fertugsaldri hefur verið ákærður fyrir sérstaklega hættulega líkamsárás, vopnalagabrot, þjófnað og fleira. Við húsleit heima hjá manninum fannst gaddakúla í bandi og kylfa með álímdum sprautunálum. 

Innlent

„Það væri mjög miður“

„Ef að við tækjum ekki núna umræðu um þetta og gerðum okkur tilbúin fyrir framtíðina þá værum við náttúrulega ekki að vinna vinnuna okkar og ég vona bara að þessar deilur sem eru í gangi í augnablikinu skyggi ekki á þá miklu vinnu sem við þurfum að fara í.“

Innlent

Litli spítalinn án samnings og ráð­herra sér ekkert svig­rúm

Ekkert fjárhagslegt svigrúm er hjá Sjúkratryggingum Íslands til að kaupa smáslysaþjónustu af Litla spítalanum, segir Alma D. Möller heilbrigðisráðherra. Hvorki hafi verið gerður samningur um kaup ríkisins á þjónustunni né gefið vilyrði um greiðsluþátttöku. Hún segir smáslys ekki vera meginvanda bráðamóttöku Landspítalans.

Innlent

Kallar 25 ára þak á verð­tryggð lán sýndar­mennsku

Áform um að takmarka lánstíma nýrra verðtryggðra húsnæðislána við 25 ár eru sýndarmennska, segir Hildur Sverrisdóttir, þingmaður Sjálfstæðisflokksins. Arna Lára Jónsdóttir, þingmaður Samfylkingarinnar, segir breytinguna gott fyrsta skref en skoða þurfi áhrif hennar á fyrstu kaupendur og aðra hópa.

Innlent

Ráðist inn í skóla og veist að nem­endum eða starfs­fólki

Fólk hefur farið inn í skóla í Reykjavík og veist að nemendum eða starfsfólki á síðustu vikum, samkvæmt bókun kennarafulltrúa í skóla- og frístundaráði. Ráðið hefur jafnframt áhyggjur af vísbendingum um að öryggisatvik gagnvart starfsfólki séu í sumum tilvikum að verða fleiri og alvarlegri. Formaður Kennarafélags Reykjavíkur segir að endurskoða þurfi hvernig öryggi nemenda og kennara sé tryggt í skólunum. Hún segir samfélagið hafa breyst og kennarar óttast um öryggi sitt. Hún hafi heyrt af skólum þar sem kennslustofum sé læst meðan kennsla fer fram.

Innlent

Vill skýr við­brögð við trassa­skap í losunar­málum í lög

Stjórnvöld þyrftu að meta fjárhagslegan kostnað og leggja fram tillögur að markvissari aðgerðum ef útlit væri fyrir að þau stæðust ekki loftslagsskuldbindingar ef nýtt frumvarp að loftslagslögum verður samþykkt. Frumvarpið á einnig að herða á innleiðingu loftslagsaðgerða.

Innlent

Vilja hækka akstursgjald eldra fólks um allt að 163 prósent

Gjald fyrir akstursþjónustu eldra fólks í Kópavogi gæti hækkað úr 673 krónum í 1.772 krónur á ferð samkvæmt tillögu sem velferðar- og mannréttindaráð bæjarins hefur samþykkt fyrir sitt leyti. Hækkunin næmi rúmlega 163 prósentum hjá þeim sem falla í hærri tekjuflokk þjónustunnar.

Innlent

Að­eins talið sannað að Andri hafi beitt leigjandann of­beldi

Andri Már Mortenssen Birgisson var talinn hafa stýrt atburðarásinni og átt stærstan þátt í frelsissviptingu og stórfelldri líkamsárás á maltneskan leigjanda tengdaföður hans í Reykholti. Hann var eini af sex sakborningum í málinu sem var sakfelldur fyrir að beita manninn ofbeldi.

Innlent

Ekki lengur hægt að treysta island.is í blindni

Lögreglan á höfuðborgarsvæðinu varar foreldra og forráðamenn barna og ungmenna við VPN-stillingu sem gerir óviðkomandi kleift að lesa og breyta netumferð þeirra. Yfir 300 ungmenni nota fyrirbærið en lögreglan rannsakar nú sölu á fölsuðum rafrænum skilríkjum.

Innlent

„Það andar ekki köldu á milli mín og neinna annarra“

Halla Gunnarsdóttir formaður VR segist ekki skilja hvers vegna tillaga um fækkun varaforseta ASÍ sé orðin að jafn stóru máli og raun ber vitni. Hún segir mun stærri mál til umfjöllunar á ASÍ þingi sem hófst í dag og segir ekki anda köldu á milli hennar og Sólveigar Önnu í daglegu lífi, né á milli hennar og nokkurs annars.

Innlent

Hreyfingin stærri en ein­stakar per­sónur

Forsætisráðherra segir sameinaða verkalýðshreyfingu miklu stærri en stök félög, einn flokkur og hvað þá einstakir forystumenn í stjórnmálum eða stéttarfélögum. Hún hvatti til þess að byggt yrði upp meira traust í samfélaginu og innan ASÍ. Deilur milli forystumanna í verkalýðshreyfingunni lita 47. þing ASÍ sem var sett í morgun.

Innlent

Af­taka­veður gengur yfir landið og búist við vegalokunum vegna ó­færðar

Vegum var lokað á Suðurlandi, skólahaldi frestað í Eyjum og innanlandsflugi aflýst vegna veðurofsans í morgun. Búast má við vegalokunum á Vestfjörðum í kvöld vegna stórhríðar og veðurfræðingur segir að íbúar á Norðvesturlandi muni vakna við hvíta jörð. Farið verður yfir helstu tíðindi af óveðri sem gengur yfir landið í hádegisfréttum á Bylgjunni.

Innlent

Mest lesið