Innlent

Stærsta rafflugvélin fær grænt ljós á fyrsta flug

Rafmagnsflugvélin sem líklegust þykir til að ryðja brautina í átt að sjálfbærum og arðbærum mengunarlausum flugsamgöngum hefur fengið samþykki bandarísku flugmálastjórnarinnar, FAA, til að fara í sitt fyrsta reynsluflug og hefja flugprófanir. Icelandair hefur með viljayfirlýsingu skráð sig fyrir kaupum á fimm eintökum þessarar tegundar.

Innlent

Hvass­viðri hefur sett strik í reikninginn á Bræðslunni

Lögreglan á Austurlandi segir ágætlega hafa gengið á tónlistarhátíðinni Bræðslunni sem haldin er á Borgarfirði eystra um helgina en veður hafi sett strik í reikninginn. Einhverjir gestir þurftu að leita skjóls í íþróttahúsi í gærnótt vegna hvassviðris og úrkomu og óttast er að komi til svipaðs ástands í nótt. 

Innlent

Flúðu heimili sitt vegna gróðurelda: „Þetta verður ekki fal­legt, fjallið er allt brunnið“

Íslensk-spænsk hjón sem eru búsett á Spáni þurftu að flýja heimili sitt í San Martín de Valdeiglesias í fyrradag vegna gróðurelda. Ragnar Bragason hefur verið búsettur á Spáni, ásamt eiginkonu sinni Mayte Santa Ceciliu, í um fjörutíu ár og segist ýmsu vanur. Gróðureldar séu hluti af daglegu lífi Spánverja á sumrin en þau hafi þó aldrei upplifað eins stóran eld á svæðinu. 

Innlent

Þúsund sjúkra­flug á árinu: „Fyrsta skipti sem við brjótum þann múr“

Sjúkraflugferðum hefur fjölgað umtalsvert á milli ára en slökkviliðsstjóri á Akureyri segir ástæðurnar vera margar. Það hafi hátt í níutíu flugferðir verið skráðar það sem af er liðnum júlímánuði, sem sé met, en gott veður víða um land, ferðamannastraumur og minni heilbrigðisþjónusta í boði á landsbyggðinni sé meðal þess sem valdi miklum fjölda ferða. Það sé nauðsynlegt að auka fjármagn til að tryggja góða þjónustu.

Innlent

Komst undan á­samt fjöl­skyldunni

„Þetta er auðvitað ógnvænlegt en maður óskar fólkinu sem býr hérna velfarnaðar og að þetta gangi hratt yfir. Maður sendir hlýhug til þeirra sem þetta snertir með beinni hætti en okkur sem erum nú bara túristar hér í sumarfríi.“

Innlent

„Við á­kváðum að snúa bara vörn í sókn“

Fjölskylda sem býr á Barðaströnd í Breiðafirði tók sig til og útbjó stærðarinnar skilti til að fagna því að ferjan Baldur væri snúin aftur til sinnar reglulegu siglingarleiðar. Hún var send suður til Vestmannaeyja fyrir um sex vikum síðan til að sinna ferjuflutningum þar í fjarveru Herjólfs.

Innlent

Fæðingardeildin hafi gleymst í hita leiksins

Ljósmóðir með áratuga reynslu harmar að ekki hafi verið hugsað til fæðingardeildarinnar við hönnun nýs Landspítala. Nýbakaðar mæður þurfi að dvelja í þröngu rými með öðrum fjölskyldum en hún telur deildina sjálfa barn síns tíma.

Innlent

Ís­lendingur í grennd við Madríd og met í sjúkraflugferðum

270 þúsund manns hafa neyðst til að flýja heimili sín í Suðurhluta Evrópu. Gróðureldar geisa enn víð í Frakklandi og á Spáni og hafa langar bílaraðir myndast víða. Við ræðum við Íslending sem býr tuttugu mínútum frá Madríd en hún aðstoðaði tengdasystur sína við að flýja heimili sitt í gær. 

Innlent

Fleygt fram af svölum á fyrstu hæð fjöl­býlis­húss

Meðal þess helsta á lista lögreglustöðvar eitt, sem sinnir verkefnum í Austurbæ, Miðbæ, Vesturbæ og á Seltjarnarnesi, var tilkynning um líkamsárás þar sem aðila var fleygt fram af svölum á fyrstu hæð fjölbýlishúss. Þeir sem fleygðu honum fram af fundust skammt frá vettvangi og voru handteknir en árásarþoli var fluttur á slysadeild til aðhlynningar með minniháttar áverka. Málið er enn í rannsókn.

Innlent

Eigi ekki að kosta milljónir króna að klæðast landsliðsbúningnum

Faðir drengs í unglingalandsliðinu í körfubolta segir ungmenni og fjölskyldur þeirra þurfa að leggja út hundruðum þúsunda króna „bara til þess að fá að spila með landsliðinu“. Forseti Íþrótta- og ólympíusambands Íslands segir sambandið skorta fjármagn til að styðja við afreksfólk en eitt meginmarkmið sambandsins sé að jafna aðgengi að íþróttastarfi. 

Innlent

„Klappað eins og það væri stór­stjarna að koma inn“

Ferðaþjónustuaðilar lýsa ófremdarástandi á Keflavíkurflugvelli vegna mikils biðtíma sem skapast hefur í kjölfar innleiðingar nýs kerfis í landamæraeftirliti hérlendis. Ferðamenn, sem séu margir hverjir á efri árum, séu margir að bíða í allt á þriðja tíma en lögregla segist kappkosta að manna eftirlitið. Nýtt sjálfvirkt kerfi verði vonandi komið í gagnið í haust.

Innlent

Óttast að „bottar“ muni ýta undir á­greining í að­draganda at­kvæða­greiðslu

Umferð netþjarka, eða svokallaðra „botta“, á samfélagsmiðlum hefur aukist verulega á síðustu árum. Netöryggismiðstöð Íslands brýnir fyrir fólki að vera á varðbergi í aðdraganda atkvæðagreiðslu um aðildarviðræður við Evrópusambandið, þar sem samfélagsmiðlareikningar sem gefa sig út fyrir að vera alvöru fólk gætu reynst bottar. Almenningur er hvattur til að tilkynna það þegar þau telja sig rekast á botta.

Innlent

Báti var siglt yfir kajakræðara

Lögreglunni á höfuðborgarsvæðinu barst tilkynning um slys þar sem báti hafði verið siglt yfir kajakræðara. Atvikið átti sér stað í umdæmi lögreglustöðvar eitt sem sinnir útköllum í Austurbæ, Miðbæ, Vesturbæ Reykjavíkur og á Seltjarnarnesi. Betur fór en á horfðist og slapp kajakræðarinn ómeiddur.

Innlent

Kvöld­fréttir í heild sinni

Í kvöldfréttum okkar segjum við frá löngum biðröðum við landamæraeftirlit á Keflavíkurflugvelli sem ferðaþjónustuaðili segir óásættanlegar. Tafir hafa orðið á innleiðingu sjálfsafgreiðslukassa og ekki er von á lausn fyrr en í haust.

Innlent

„Ég hef aldrei lent í öðru eins“

Fríða Björk Gunnarsdóttir segir farir sínar ekki sléttar eftir að hafa lent á Keflavíkurflugvelli í morgun en miklar tafir voru á flugvellinum. „Ég hef aldrei lent í öðru eins. Mér leið eins og ég væri í réttum nema að ég var kindin, ekki smalinn,“ segir Fríða.

Innlent

Skip­verjarnir áttu að fá 2,5 milljónir króna á haus

Annar tveggja skipverja Dettifoss, sem ákærðir hafa verið fyrir að hafa komið að innflutningi á fjórtán lítrum af amfetamínbasa, segir þá hafa átt að fá 2,5 milljónir króna fyrir ómakið. Ætla má að götuvirði efnanna gæti numið allt að 280 milljónum króna og skipverjarnir gætu átt yfir höfði sér langa fangelsisvist.

Innlent

Endur­koma Herjólfs vekur upp ýmsar spurningar

Bæjarstjóri Vestmannaeyja fagnar endurkomu Herjólfs og kallar eftir kaupum á nýju skipi til að hlaupa í skarðið við bilun. Ráðherra boðar heildstæða ferjuáætlun fyrir landið allt. Öryggissérfræðingur segir lítið notaða aðferðafræði geta reynst Íslandi vel í staðinn fyrir að treysta á að allt reddist.

Innlent

Mest lesið